Host and Geo apologize

Updated: April 19, 2024

Published: 2014-05-16

(eNews.pk) - The religious scholars said that the mistake was made in Geo Morning Show hurt people's feelings , but the program's host and Geo after the apology should not toss the case . Professor Sajid Mir said the action against the staff involved in the incident should , bounce off the incident falls into the category of disorder .

میزبان اور جیو کے معافی مانگنے کے بعد معاملہ اچھالنا مناسب نہیں؛ علمائے کرا

ملک کے جید علمائے کرام نے کہا ہے کہ جیو کے مارننگ شو میں غلطی کی گئی جس سے لوگوں کے جذبات مجروح ہوئے، لیکن پروگرام کی میزبان اور جیو کی جانب سے معافی مانگنے کے بعد اب اس معاملے کو اچھالنا نہیں چاہیے۔ پروفیسر ساجد میر کا کہنا ہے کہ جیوانتظامیہ کو واقعے میں ملوث اسٹاف کیخلاف کارروائی کرناچاہیے، معافی کے بعد واقعے کو اچھالنا فتنے کے زمرے میں آتاہے۔ جمعیت اہل حدیث کے مرکزی رہنما حافظ عبدالکریم نے کہا ہے کہ ملک مزید انتشار کا متحمل نہیں ہوسکتا، معافی مانگنے کے بعد معاملے کو طول دیناغیرمناسب طرزعمل ہے، منتظم اعلیٰ جامعہ اسلامیہ لاہور کا کہنا ہے کہ جو بندہ معافی مانگتاہے اس پر طعن وتشنیع کرناغلط ہے، اسلام اشتعال انگیزی اور فتنے کو سخت ناپسند کرتاہے۔ ممتاز عالم دین مفتی محمدنعیم نے کہا ہے کہ جیو کی معافی کے بعد پروپیگنڈا نامناسب اور ناجائزہے، معافی کے باوجود جیو کیخلاف پروپیگنڈے کاسبب بغض ہے، حضور اکرم ﷺ فرماتے ہیں کہ گناہ کے بعد توبہ کرنے سے اللہ معاف کردیتاہے، شریعت معافی کے بعدپروپیگنڈے کی اجازت نہیں دیتی۔ معافی مانگنے والے کو اللہ تعالیٰ بھی معاف کر دیتا ہے تو بندوں کو کیا حق پہنچتا ہے کہ اس معاملے میں اس طریقے کے ساتھ بات کرے۔ علامہ طاہر اشرفی نے معاملے کی تحقیقات کا مطالبہ کیا۔ علامہ کوکب نورانی نے کہا ہے کہ بے احتیاطی ضرور کی گئی لیکن مثبت پہلویہ ہے کہ معافی مانگ لی گئی، جیو کی معافی کے بعد کوئی گنجائش نہیں کہ الزام تراشی کی جائے۔ علامہ رضی جعفر کا کہنا ہے کہ میزبانی کرتے ہوئے بہت زیادہ سمجھ بوجھ سے کام لیناچاہیے، موجودہ صورتحال میں بہت سے لوگ جیوکیخلاف بھی کام کررہے ہیں، قرآن مجید کا ارشاد ہے کہ برائی کوپھیلاناخودایک برائی ہے، دیگرچینلز کو خیال رکھنا چاہیے کہ معافی کے بعد معاملہ اچھالا نہ جائے۔ علامہ ناظر عباس تقوی اور علامہ شبیر میثمی کا بھی کہنا تھا کہ معافی کے بعد اس معاملے کو اچھالنا مناسب نہیں۔ علامہ فیصل عزیزی بندگی کا کہنا ہے کہ معافی کے بعد معاملے کو اچھالنا مناسب نہیں، غلطی پر معافی مانگنے کے بعد معافی قبول کرلیناچاہیے۔ مفتی عابد مبارک کا کہنا ہے کہ پروگرام میں غلطی کی گئی ہے لیکن اچھی بات یہ ہے کہ جیو کی انتظامیہ نے معافی مانگ لی ہے۔

Post your comments regarding:
Host and Geo apologize

Todays 10 Latest National News

قومی خبریں



eNews.pk Latest Breaking News [ Pakistani Internet Newspaper Online Media, TV ] Copyrights @ Enews.pk 2020. All rights reserved. 1 \| 2 \| 3

Host and Geo apologize

میزبان اور جیو کے معافی مانگنے کے بعد معاملہ اچھالنا مناسب نہیں؛ علمائے کرا

AKU has launched an app to check your coronavirus symptoms

Sindh reports 92 more coronavirus cases

Interior Ministry extended the visas to all foreigners

Job saving is the responsibility of Govt IHC

Centre abandoned the provinces decision to expand lockdown

Corona will rise by the end of April PM Khan

Shehbaz Sharif demands PM Imrans resignation

Payments under Ehsaas Emergency Cash Programme began

CJP hopes Govt work hard to make progress against corona

ECC approves Rs50 billion relief package for Utility Stores